„Општина Центар ќе ја реконструира улицата „Апостол Гусларот“, во Буњаковец која беше во катастрофално лоша состојба. Граѓаните со години реагирале на ударните дупки и оштетените ивичници.
Улицата беше небезбедна и за граѓаните, но и за учениците, бидејќи тука се наоѓа основното училиште „Ј.Х. Песталоци“. Општина Центар ја започна реконструкцијата на коловозот и ивичниците на улицата, во должина од 180 метри, на потег од улицата „Стефан Јакимов Дедов“ до “Никола Тримпаре“.
На најоштетениот дел од улицата целосно ќе се вади подлогата и ќе се става 2 тона асфалт, а во другиот дел ќе се гребе постојниот и ќе се поставува нов асфалт. На руинираните ивичници ќе се постават нови бехатон плочки, со што ќе се овозможи непречено движење на пешаците, а за лицата со посебни потреби – пристапни рампи.
Ова е втора улица која се реконструира во делот на Буњаковец и е во рамките на проектот “Нова пролет-нова офанзива“.
„Златко Шнајдер“ е наредната улица која ќе биде реконструирана во овој дел од Центар“, соопштуваат од Општината Центар.