Општина Центар ја завршува реконструкцијата на крак на улицата „Питу Гули“ на Водно. Комплетно е заменет долниот строј. Со ова ќе се реши долгогодишниот проблем со површинските води што се сливаат од падината на Водно, соопштуваат од Општина Центар.
Сега водите се пренасочуваат и нема да се создаваат вирови и поткопување и пропаѓање на асфалтот. Сега, со поставениот нов асфалт ќе се намали и лизгањето во зимскиот период кога има снежни наноси.
Поставени се и 560 метри нови рабници, нови тротоари и 2.100 m2 нов асфалт во два слоја, велат од Општината.