„Општина Центар ја заврши целосна реконструкцијата на улицата „Ѓорѓи Скрижевски“, во должина од 391 метар. Ова беше една од најоштетените улици во делот на Водно.
Граѓаните реагираа на ударните дупки, на загрозената безбедност и побараа од градоначалникот Андреј Жерновски да им го реши проблемот кој трае премногу долго.
Ова барање било упатувано со години, но не било реализирано.
Широчината на улицата на почетокот е 4 метри, а кон крајот се зголемува и до 7 метри. Надлежните го истругаа и отстранија постоечкиот, оштетен асфалт и поставија целосно нов квалитетен асфалт. Се сменија шахтите и се изврши нивелирање на сливниците.
„Ѓорѓи Скрижевски“ е една од 10-те улици на Водно кои се опфатени во актуелната акција “Нова пролет, нова офанзива!” на општина Центар.
Оваа едела започнува реконструкцијата на улицата „ Партениј Зографски“, соопштуваат од Општина Центар.