На улицата „Партениј Зографски“ на Водно не е интервенирано од нејзината изградба во далечните 60-ти години. Граѓаните се жалеа на ударните дупки, испуканиот и нерамен асфалт кои беа опасност за безбедноста на патниците и возачите.
Општина Центар ја заврши комплетната реконструкција на дел од улицата, во должина од 500 метри. Поставен е нов асфалт, а таму каде што беше многу лоша состојбата, заменет е и тампонскиот слој.
На „Партениј Зографски“ се поставуваат нови рабници, како и нов тротоар со бехатон коцки, во ширина од 1,5 метар. Заменети се и капаците на шахтите.