Општина Центар ја започна реконструкцијата на улицата “Христо Чернопеев“ на Водно. Жителите на овој дел од Центар имаа големи проблеми со честите поплавувања, поради немањето на фекална и атмосферска канализација на дел од улицата, како и со оштетувањата на асфалтот.
Надлежните служби на општина Центар веќе работат на реконструкцијата на коловозот.
Жителите од улицата “Христо Чернопеев“ за прв пат ќе добијат атмосферска и фекална канализација.
Паралелно се разгледува можноста и се прават напори за нова водоводна мрежа, поради честите пукања на цевките.
Должината на коловозот е 345 метри и е една од десетте улици кои што се обновуваат на Водно, како дел од акцијата “Нова пролет, нова офанзива“.