Општина Центар ја асфалтираше и ја завршува комплетната реконструкција на улицата „Коста Веселинов“. На коловозот со површина од 420 м2, заменет е тампонскиот слој и поставен е новиот асфалт.
Реконструкцијата на оваа улица, која се протега од „Орце Николов“ до „Илинденска“, е проблем бидејќи претходните општински раководства без да ја извадат постојната калдрма ставале асфалт. Затоа, сега мораше да се извади и асфалтот и калдрмата.
Граѓаните реагираа на дупките на улицата настанати поради многубројните прекопи и затоа, во договор со нив, општина Центар пристапи кон целосна реконструкција.
Се менува и тротоарот на површина од 175 м2 и се поставаат павер елементи, соопштуваат од Општина Центар.
Во Дебар Маало, во тек е реконструкцијата на дел од улицата „Наум Наумовски – Борче“ од булеварот „Илинден“ до кружниот тек, а следна улица која ќе се обновува во овој дел од Центар е „Коле Неделковски“.