Општина Центар, во соработка со Здружение на граѓани Х.Е.Р.А. Асоцијација за здравствена едукација и истражување ја започнува реализацијата на идејата за помош и поддршка на старите лица преку отварање на сервис за грижа на стари лица ”Нега Плус”
Од денеска, жителите на Центар, постари од 56 години, ќе можат да се јават на бесплатниот телефонски број – 0800 23151 (од 13:00 до 17:00 часот), или да напишат електронска порака на [email protected]. Општина Центар е прва единица на локалната самоуправа која на своите повозрасни жители им нуди ваков тип на помош и грижа за нив.
Професионално обучени негуватели на овие лица, во домашни услови, ќе им ги пружи следните услуги:
-Помагање во одржување на домот
-Помош и поддршка во извршување на секојдневните активности
-Извршување на задачи од ергономски аспект
-Извршување на задачи од медицински аспект
-Помагање во одржување на домот
-Психо-социјална поддршка
Негувателите ќе бидат во посебни униформи и ќе имаат легитимации.
Сервисот ”Нега Плус” за давање на помош и нега во домашни услови е на располагање за луѓето кои се во длабока старост, лица кои имаат намалени физички и ментални способности, лица со попреченост, болни лица и лица кои се во терминална фаза на болеста, поради што тие не се во состојба самостојно да живеат и да се грижат за своите домови без да имаат редовна нега и надзор.
Сервисот „ Нега Плус“ е отворен со финансиска помош на Американската амбасада во Скопје, во партнерство со Општина Центар која обезбеди локација, технички услови за работа и бесплатна линија.
Локација : ул. Кеј 13 Ноември бр. 2/1/6