Општина Центар започна со поставување на столпчиња во вид на топки од природен гранит на „Боемска 2“.
Ова ќе го спречи дивото паркирање и ќе им овозможи на граѓаните безбедно да се движат по тротоарите и да уживаат во околните угостителски објекти.
Се поставуваат и сообраќајни знаци за регулирање на сообраќајот, бидејќи на оваа улица е забрането паркирање.
Поставувањето на гранитните топки и сообраќајните знаци ќе заврши во средината на наредната недела, а надлежно лице од ПОЦ ќе ја контролира состојбата, соопштуваат од Општина Центар.
Од понеделник, 20.02.2017, општина Центар продолжува со работата на вториот дел на „Бомеска 2“ до крстосницата на улицата „Костурски херои“. Ќе биде уреден и просторот за паркирање.