Општина Центар ја започнува дого очекуваната реконструкција и доградба на основното училиште „Гоце Делчев“ (поранешно „Владимир Илич Ленин“).
Поради малиот број на училници, учениците мораа да ја посетуваат наставата во две смени, што редовно создаваше проблеми и кај родителите.
Овој проблем се провлекува откако е основано училиштето, односно од 1958 година. Конечно, со новите дополнителни 4 училници и 4 простории, наставата ќе се посетува во една смена, а попладневните часови ќе бидат слободни за други активности на децата.
Со доградбата на нови 476 м2 , односно сутерен, приземје и 2 ката, покрај училници се обезбедуваат и дополнителни простории кои ќе служат за одмор, читање и додатни активности.
Ќе биде поставен и лифт кој ќе ги поврзува сите нивоа на објектот, со што ќе се обезбеди пристапност и за лицата со посебни потреби.
Подовите во новите училници ќе бидат направени од квалитетен материјал и ќе бидат топлинска и звучна бариера меѓу теренот и внатрешниот простор, се вели во соопштението на општина Центар.