Општина Центар, четврта година по ред, ги награди најдобрите предметни и одделенски наставници, како и најдобите ученици од седумте општински основни училишта.
За општина Центар, доброто образование е иднина за добри граѓани и затоа, го вреднува успехот, квалитетот, посветеноста и талентот на учениците и наставниците.
Градоначалникот на Општина Центар, Андреј Жерновски, додели 14 овогодинешни награди за најдобрите наставници (по 22.300 денари) и седум награди за најдобрите ученици (по 15.000 денари).
„Ова општинско раководство и јас како градоначалник, ќе продолжиме да вложуваме во образованието, а овие награди нека бидат поттик и за наставниците и за учениците“, рече градоначалникот Жерновски.
Во овие четири години, доделени се вкупно 84 награди, од кои 56 наставнци и 28 ученици ги добија овие признанија.
„Убавината на секое признание е награда за она што сме го вложиле. Да си посакаме уште многу генерации на успешни наставници и ученици“, рече раководителот на одделението за образование, Јагода Јанковска.
Градоначалникот го исполни минатогодишното ветување дадено на Денот на општина Центар – награда за самоиницијативно создавање химна на општината ѝ беше доделена на наставничката по музичко образование во ООУ „Димитар Миладинов“, Славјанка Димова.
