„Општина Центар започна со комплетна реконструкција на улицата „Никола Тримпаре“, на потегот од улица „Апостол Гусларот“ до улица „Ленинова“.
Улицата и тротоарите се уништени со ударни дупки и искршени рабници. Граѓаните реагираа и затоа градоначалникот Андреј Жерновски и општинските служби донесоа одлука да се извади целиот слој на улицата, да се постави нов тампонски слој на подлогата, два слоја асфалт и да се стават нови тротоари од павер елементи.
Улицата „ Никола Тримпаре“, која се наоѓа меѓу ООУ „ЈХ Песталоци“ и градинката „13 Ноември“, е со должина од 180м“, се вели во соопштението на Општина Центар.