„Една од најоштетените улици во населбата Буњаковец, сега е целосно реконструирана. Коловозот и тротоарите, во должина од 180 метри, се комплетно обновени, изваден е стариот слој, направена е нова бонификација на тлото и според сите стандарди за изградба на улична мрежа, поставен е нова тампонска подлога. Овој слој е цврст, стабилен и нема опасност од пропаѓање.
Новиот асфалт е од два слоја и ги задоволува светските стандарди. На тротоарите се наредени нови бехатон плочки. Сите кабли на операторите се вметнати под земја, отстранети се старите бандери, кои ја нарушуваа сликата и движењето по улицата “Никола Тримпаре“, која е на значајно место, меѓу основното училиште “Ј.Х.Песталоци“ и матичниот објект на градинката “13-ти Ноември“.
Сега е овозможено безбедно движење по улиците, а косините на тротоарите овозможуваат пристап на лица со посебни потреби, инвалидски колички и велосипеди.
И овој проект е дел од акцијата на општина Центар “Нова пролет, нова офанзива!”. Во овој дел на Центар, наредна улица која комплетно ќе се реконструира е “Апостол Гусларот“, соопштуваат од Општина Центар.
