„За поздрава животна средина и помал сообраќаен метеж – Полесно до велосипед!
Општина Центар од 13.05.2015 ја спроведува акцијата за субвеционирање на 30% од цената за купување нов велосипед, но најмногу до 3.000 денари.
Секој полнолетен жител на општина Центар што ќе купи велосипед започнувајќи од 13-ти мај, потребно е да ги достави следниве документи:
– Барање за субвенционирање за купен производ (достапно за симнување на opstinacentar.gov.mk)
– Копија од лична карта
– Копија од транскакциска сметка,
– Фискална сметка со сметко-потврда или фактура за купен велосипед.
Барањата со комплетна документација се доставуваат во архивата на општина Центар, барака бр. 6, почнувајќи од 13-ти мај. По доставувањето на документите, подносителите ќе бидат известени за редниот број на поднесокот и субвенционирањето.
Правото на субвенција е еднократно.
За сите дополнителни информации, граѓаните можат да се обратат кај координаторот на проектот, Емил Николовски.
Телефони за контакт: 3203 – 663 и 076-353-620“, пишува во соопштението на Општина Центар.