Општина Битола продолжи со инфраструктурната поддршка и градежни активности во индустриската зона „Жабени“.
Од секторот за односи со јавност на општина Битола информираат дека во индустриската зона „Жабени“ со поддршка на локалната самоуправа се врши асфалтирање на коловозот и поставување на атмосферска канализација.
– Поради проширување на капацитетите на Фабриката „Кромберг и Шуберт“, општина Битола во моментот врши изградба на коловоз во два слоја на улица во должина од 666 метри и паркинг простор со површина од 4.000 метри квадратни. Вкупната вредност на инвестицијата изнесува повеќе од 11 милиони денари. Покрај асфалтирањето, во непосредна близина на фабриката на германскиот инвеститор се врши изградба и на атмосферска канализација со вкупна вредност на инвестицијата од 2,4 милиони денари, информираа од општина Битола.