Општина Битола, според востановената традиција, синоќа на организиран начин го одбележа празникот Коледе, со палење на традиционалниот коледарски оган.
Градоначалникот Владимир Талески посети и повеќе битолски маала каде се палат коледарски огнови, информираше Секторот за односи со јавност на општина Битола.
Одбележувањето беше збогатено со музичка програма и настап на повеќе музички групи. За доброто расположение на плоштадот „Гоце Делчев“ се погрижија групите „Ѓердан“, „Бон тон“, „Хераклеа“, „Прва севда“, „Јошка бенд“ и Софија Кочевска. На присутните сограѓани, Талески им посака многу здравје, среќа, љубов и успех и им ги честиташе божиќните празници.