Извештајот за работењето на Судскиот совет, причина за недоразбирање , кавги, препукување на релацијацијата власт-опозиција.
Првиот човек на советот, Александра Зафироска наброја што и како е сработено, кажа дека избраните судии имаат добри оценки а изборот се вршел според Законот и резултатите.
За опозицијата судството е партизирано, цвета непотизам, што е и причина за последователно лошите оценки од Брисел.
„Духот на Маневски се уште владее во партиското судство. Дулиќ и Маневски го уништија судството и тоа 20 години не може да се оправи“, обвини опозицијата.
„ Во ваше време за една ноќ се избраа 600 судии. Собранието не може да му суди на судството“, врати мнозинството.
„Власта, одлучува кој ќе оди во затвор, а Судскиот совет молчи, молчи и за полициско-телевизиската правда . Зошто не проговоривте за политичките затвореници“, прашање до Зафироска од опозицијата.
Претседателот на Судскиот совет, опоменат од претседавачот со седницата, дека не смее да дели квалификации за пратениците.
Благородна Дулиќ,од ВМРО-ДПМНЕ, незадоволна од функционирање на Врховниот суд, побара од Судскиот совет да се позанимава со неговата работа.