Власта треба денеска да го каже својот став за измените во Изборниот законик, кои ги предлага опозицијата
. Пред десетина дена со гласовите на ВМРО-ДПМНЕ и ДУИ беа скроени изборните правила, кои за опозицијата се само шминка и не отвораат терен за фер и демократско одмерување на силите.
Опозицијата реагира, дека ова е втор пат, и секогаш кога е ВМРО-ДПМНЕ на власт, Изборниот законик да не се носи со консензус.
Тие предлагаат правила за да не можат функционерите за време на кампањата да ја злоупотребуваат функцијата, но и да не се искористуваат медиумите.
Продолжуваат и маратонските амандмански комисиски дебати за Буџетот и за бранителите.
Во Комисијата за еднакви можности ќе се одржи дебата „Иницијативи и препораки за одржлива популациска политика во Република Македонија“