Утрово на улицата „Бел камен“ во Капиштец се скрши дрвена бандера која е во владение на Македонски Телеком. Причина за кршењето на бандерата е преоптовареност а со кабли од операторите но и од дотраеноста.
По јавување на жителите, општина Центар веднаш интервенираше кај надлежните од Телеком. Нивни служби веднаш излегоа на терен за да ја санираат штетата.
Ќе биде поставена нова бандера од фирмата-сопственик и ќе се намали тежината од каблите.
Општина Центар во повеќе наврати им има укажано на операторите да внимаваат на безбедноста и преоптовареноста со кабли и со разводни ормани.