Обединетата партија за целосна еманципација на Ромите(ОПЕР) нема да коалицира со ВМРО-ДПМНЕ доколку на било која листа за следните парламентарни избори закажани за 11 декември се најде Амди Бајрам.
Како што информираат од ОПЕР, денеска во Скопје била одржана средба меѓу претседателот на ОПЕР Неждет Мустафа и генералниот секретар на ВМРО-ДПМНЕ Емил Димитриев, на која Мустафа истакнал дека тие нема да се согласат да коалицираат со партијата на власт ако таа го стави на некои од изборните листи Амди Бајрам.
„Таков човек е навреда за Ромите и ние не сакаме да бидеме во иста коалиција со него“, велат од ОПЕР.