За само неколку дена во Охрид се регистрирани десеттина случаи на пациенти кај кои е регистрирана бактеријата „Стрептококус богенес“ која се шири со невидени размери. Најпогодени според лекарите се децата кои се сместени во охридските градинки.
Станува збор за инфекција, која се пренесува преку плунката при, кашлање, кивање и пеење.
Центарот за јавно здравје од Охрид преземе одредени мерки со цел да се спреши нејзиното ширење по градниките.
„Засилена хигиенизација на занималните, на ходниците, санитарните јазли и кујните во градинките. Предложените мерки не се однесуваат само на родителите и децата, туку и на персоналот од градинките, од воспитачки, куварки до хигиеничарки. И од нив веќе се земени брисови од грло и нос, со цел да се утврди дали и тие се носители на оваа бактерија.
„Има засилена хигиенизација и во училишните згради. Вонредна задолжителна дезинфекција на просторот, како и дезинфекција на играчките, без разлика што редовно ја вршат, ова ќе биде вонредна дезинфекција на играчките на приборот за јадење и на нагледните средства“, вели Јованка Стурлакова Коровешоска, од центар за јавно здравје
Лекарите велат дека децата кои имаат висока температура, кашлаат,имаат гадење, повраќање, да не се примаат во градинка и под итно да бидат однесени кај матичен лекар кој ќе им препише терапија. Од детската градинка Јасна Ристеска рекоа дека најголем проблем имаат со несовесните родители, кои иако знаат дека децата им се болни или дека се носители на бактерија тоа не им го соопштуваат.
Инаку СТРЕПТОКОКНА е инфекција о која ги напаѓа пред се горните дишни патишта се имплементира во вид на гнојни наслаги на крајниците и може да создаде многу компликации.
Мики Трајковски