Стартот на новата учебна година на први септември, учениците од општинското основно училиште „Гоце Делчев“ ќе го дочекаат во реновирано училиште и ќе добијат поквалитетни услови за стекнување на нови знаења и престој, соопштуваат од Општина Центар.
„Општина Центар ја започна реконструкцијата на фасадата со што училиштето ќе добие комплетно нова фасада која ќе биде енергетско ефикасна.
Ова ќе ги намали трошоците за електрична енергија, но и температурите во училниците ќе бидат максимално оптимални.
Ова центарско општинско училиште е доградено на површина од 532м2. Со ова учениците имаат 6 нови училници и 3 помошни простории. Дел од овој значаен зафат е поставен лифт за деца со инвалидност и пречки во развојот.
Училниците се квалитетно опремени и од први септември децата ќе влезат во комплетно ново училиште кое нуди подобри услови за модерно образование“, се вели во соопштението на Центар.