Обединети за Македонија му дава поддршка на пратениците од опозицијата да не попуштаат во намерата да се донесе правилен буџет. Истовремено, ги осудуваат таканаречените „спонтани“ протести кои според нив се организирани по партиска директива, како и дезинформациите дека доколку не се донесе буџетот, нема да се земеле пензии и социјална помош.
„ДПМНЕ се обидува да ја одземе слободата на говорот во парламентот со прекинување на програма на собранискиот канал за да не можат граѓаните да ја согледаат реалната состојба. Алармантна е состојбата во Република Македонија со тоа што власта сака буџетот да го донесе по својот терк без да размислува за понатамошните последици со кои нерационално ќе ги троши народните пари за свои потреби во непродуктивни проекти, а манипулира со јавноста дека опозицијата е виновна“, рече Даниел Пауновски од Обединети за Македонија.