ОЈО поднесе обвинение против в.д. директор на јавно претпријатие од Битола

Од:

Основното јавно обвинителство Битола до надлежниот суд поднело Обвинителен предлог против едно лице за продолжено кривично дело злоупотреба на службената положба и овластување .

Јавно обвинителство на Република Северна Македонија денеска соопшти дека обвинетиот, во текот на 2022 и 2023 година, во својство на службено лице в.д. директор на јавно претпријатие, ги пречекорил границите на своите службени овластувања и во повеќе наврати на шест различни лица вработени во претпријатието без правен основ им исплаќал дополнителни средства за работна успешност и покрај тоа што претпријатието во континуитет работело со загуби.

– Средствата им се исплаќале заради извршување на дополнителни работни задачи од повисоко работно место за кое дел не ги исполнувале ниту условите од правилникот за систематизација. Вкупниот износ на исплати што ги одобрил и со кои предизвикал штета на јавното претпријатие изнесува 577.640 денари, што било констатирано и со наодите од Конечниот извештај за извршена ревизија во претпријатието за 2022 година на Државниот завод за ревизија кој ќе биде предложен меѓу доказите, се појаснува во соопштението.

Би можело да ве интересира

Дисциплинската комисија утврди крупни грешки кај шефот на Вишото јавно обвинителство Скопје, се бара негово разрешување

Апелација ги уважи жалбите на Обвинителство и им определи ефективен 30 дневен притвор на двајцата поранешни директори на Онкологија

Државата конфискуваше 11.600 евра од осудениот раководител за урбанизам во Маврово и Ростуше

Обвинителството нареди, а полицијата го уапси бизнисменот Ристо Крмзов

Двајца браќа и нивен пријател се осомничени за убиство во Скопје

Обвинителството отвори предмет за деловодна книга со архивски броеви за легализација на објекти во Општина Чаир