ОЈО Гостивар поведе истрага за разбојништво во кичевска обложувалница

Од:

Надлежен јавен обвинител од Основното јавно обвинителство Гостивар донел наредба за спроведување истражна постапка против едно лице од Кичево за кое постои основано сомнение дека сторило кривично дело – разбојништво.

-Осомничениот на 8 април годинава со употреба на сила и закана дека непосредно ќе нападне врз животот и телото на друг, употребувајќи опасно орудие, одзел туѓ подвижен предмет со намера противправно да го присвои.

Имено, тој влегол во спортска обложувалница во Кичево, со црна маска на лицето и со нож во раката, па се упатил кон шалтерот за уплата и исплата. Притоа со ножот му се заканил на оштетениот вработен во обложувалницата и од фиоката на работната маса одзел парични средства во вкупна вредност од 8.990 денари во различни апоени.

Веднаш потоа се оддалечил во непознат правец. Осомниченото лице подоцна е пронајдено и лишено од слобода, се наведува во соопштението од Јавното обвинителство.

Ценејќи дека се исполнети сите законски основи, надлежниот јавен обвинител до судијата на претходна постапка при Основниот суд во Гостивар доставил предлог за определување мерка притвор за осомничениот.

Би можело да ве интересира

Четворица кичевци не го почитувале полицискиот час

А1он

Кривична пријава за двајца кичевци за прекршување на полицискиот час

Ана Ололовска

Кривична за двајца кичевци за „непостапување според здравствените прописи за време на епидемија“

Ана Ололовска

Координативното тело на Општина Кичево со оперативен план за дезинфекција на сите патишта во градот

Ана Ололовска

Руси ограбувале банкомат во Скопје

Ландов

Во Кичево и културние настани ќе се откажуваат во наредните две недели

Ландов