Охридската полиција поднела кривична пријава против 49-годишна жителка на градот, осомничена дека барала 5.000 евра за да сведочи во корист на лице против кое се водела правосудна постапка, информираат од МВР.
Против К.К. (49) е поднесена пријава со која таа се товари за уцена.
Според полициските информации, осомничената кон крајот на декември минатата година, неколкупати преку својот мобилен телефон испратила СМС-пораки до охриѓанец од кого барала да контактира со братот на А.Т., против кого се водела постапка и кој се наоѓал во притвор и од него да земе 5.000 евра, а како противуслуга, таа пред судот ќе даде исказ поволен за обвинетиот.
Осомничената охриѓанка барала 3.000 евра да ѝ бидат исплатени веднаш, а останатите 2.000 на почетокот од оваа година.
