Охриѓани новиот градоначалник ќе го добијат на 5 мај во вториот круг од изборите

Од:

Првичните неофицијални податоци од денеска одржаните предвремени избори за градоначалник покажуваат дека охриѓани идниот градоначалник ќе го добијат во вториот круг од изборите закажан за 5 мај.

Според непотврдени податоци од сите обработени 88 гласачки места, ниту еден од петтемината кандидати не ги има добиено потребните 50 отсто плус еден глас од излезените гласачи на изборите така што во вториот круг влегуваат двајцата кандидати со освоени најголем број гласови, а тоа се кандидатот на СДСМ Константин Георгиески и кандидатот на ВМРО-ДПМНЕ Митре Милошевски.

Според податоците од изборниот штаб на Георгиески, кандидатот на СДСМ добил 13.038 гласа, пред противкандидатот од ВМРО-ДПМНЕ со освоени 10.613 гласа.

Од изборниот штаб на ВМРО-ДПМНЕ не ги имаат обработено гласовите од сите избирачки места, меѓутоа информираат дека ќе се оди во втор круг со тоа што разликата меѓу нивниот и противкандидатот од СДСМ е околу 1.500 гласови во корист на Георгиески.

Останатите кандидати имаат мал број гласови и тоа Михаил Трендафилов Нанче 1.604, Стевче Стевоски 1.195 и Џемал Мена 560.

Она што е карактеристично за овој прв круг од изборите за градоначалник се и големиот број неважечки ливчиња, кои според непотврдени информации ги има околу илјада.

Би можело да ве интересира

Костадиновска-Стојчевска: Ги исполнуваме препораките на УНЕСКО и заеднички овозможуваме трајна заштита на Охридскиот регион

Мониторинг-мисијата на УНЕСКО на проценка во Охрид

(ВИДЕО) Самка Ибраимовски: Доста е да не водат семејни кланови и партиски потрчковци

Орце Костов

Кражбата во средното училиште во Охрид ја извршила ученичка

Таравари: Mладите се јадрото на населението, иселувањето на младите е државен аларм

А1он

Претседателските кандидати до кампањата не смеат да трошат пари од трансакциската сметка наменета за изборна кампања

Горан Наумовски