Охридската полиција денеска поднесе кривична пријава против лице од Охрид, поради извршено кривично дело „насилство“.
Како што соопшти Секторот за внатрешни работи од Охрид, 30-годишниот А.В. од Охрид претпладнево поради укината социјална помош и нерешено станбено прашање, упаднал во просториите на Центарот за социјални работи во Охрид и со секира почнал да ги крши прозорите од влезната врата и од другите канцеларии и помошни простории.
Видно агресивен, тој ги искршил и компјутерите со целокупната компјутерска опрема поставени во канцелариските оддели, а потоа, започнал да ја оштетува и расфрла целокупната документација од работните бироа.
Интервенирала полицијата, која веднаш го привела А.В.. Против него е покрената соодветна кривична постапка.
