Вкупно 57 возачи во Охрид и околината се казнети денеска во петчасовна акција на сообраќајната полиција.
„Денеска (07.06.) во периодот од 07 до 12 часот на подрачјето на СВР Охрид спроведена e засилена акциска контрола за санкционирање на возачи кои управуваaт возило со брзина поголема од пропишаната, при што санкционирани се 57 возачи. Засилените сообраќајни контроли продолжуваат и во наредните денови“, велат од охридската сообраќајна полиција.
„Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, додаваат оттаму.