Злато во вредност од 100.000 евра украдени се вчера од златарата Голд сместена во строгиот центар на Охрид.
Оваа онформација ја потврдија и од охридската полиција, од каде рекоа дека податоците се според кажувањата на врабитените во златарата.Кражбата се случи синоќа околу 20 часот кога две маскирани лица со капи влегле во златарницата „Голд“ во охридската чаршија со оружје во рацете и со закани кон вработените украле огромна количина злато од пултот во златарата.
Веднаш потоа се обиделе да избегаат со мотор кој бил паркиран пред златарата, но бидејки не успеале да го стартуваат моторот избегале со трчање.
Кражбата се случила околу 20 часот, во моментот кога во близина имало и голем број граѓани. Од СВР информираат дека се во потрага по лицата и оти во моментот се врши увид на лице место.