Од Сојузот за иднината во Охрид обвинуваат за притисок врз граѓаните од страна на ВМРО-ДПМНЕ во пресрет на локалните избори на 24 март.
„Ги повикувам службените лица, министри, директорите од Охрид да не си играат со граѓаните, да не им се закануваат на граѓаните. Вчера се делеа пари по неколку охридски населби.
– Се делеа пари по улиците 7-ми ноември, Охридски бригади и по сите населени места. Исто така се делат дрва и брашно. Но тоа им го простувам нека им делат на граѓаните. Директорот на Националниот парк Галичица се заканувал на шумарот од Љубаништа дека не само што треба да гласа за ВМРО-ДПМНЕ, туку и ако не работи за ВМРО-ДПМНЕ веднаш му бил подготвен отказот“, рече Александар Петрески.
„Ангел Јанев на сите ученици кои се поминати низ неговот приватно школо Пи-Си е пуштен мејл да гласаат за листата и кандидатот на ВМРО-ДПМНЕ. Поголема злоупотреба каде од ова? Дојдени се инспекциски служби од УЈП од Битола хараат и затвораат дуќани низ Охрид“, рече Петрески.