Од куќа во сопственост на 69 годишен велешанец непознат сторител украл предмети и пари во вредност од околу 17 илјади денари.
Непознат сторител извршил тешка кражба на тој начин што преку незаклучената порта влегол во дворот на куќата, од каде преку ограда се префрлил во соседниот двор, се прекачил преку ѕид висок околу метар и дошол до кровот на куќата, од каде дрвени скали водат до внатрешниот простор на поткровјето. Притоа насилно делувајќи на дрвениот парапет, влегол во куќата и одзел 6.000 денари, пиштол „Црвена Застава“ калибар 7,65мм, кој бил поседуван со дозвола, две празни рамки од пиштол и мобилен телефон „ЛГ“. Потоа го напуштил лице местото – информира Министерството за внатрешни работи.
Оттаму велат дека се преземаат мерки за пронаоѓање на сторителот.