Во паркот „Жена борец“ во Скопје е ограбен 16-годишник од страна на две непознати лица кои му ја одзеле јакната и мобилниот телефон.
Кражбата се случила во петокот вечер, а случајот во полициската станиcа Центар го пријавил вчера таткото на момчето.
Крадците со боксирач и нож му се заканиле на момчето, кое било со уште еден другар, дека физички ќе го нападнат доколку не ја соблече јакната и не им ја даде. Момчето ја соблекло јакната, во која му бил и мобилниот телефон со слушалки, по што разбојниците побегнале.
Се преземаат мерки за пронаоѓање на сторителите и за целосно расчистување на случајот.