Во Скопје синоќа во полицијата биле пријавени два случаја на разбојништво.
Околу 20:40 часот во Скопје, на ул.„Кемал Сејфула“, во аптека „Еурофарм“, непознато лице прснало кон вработената со спреј – солзавец по што со закана со пиштол извршило разбојништво, одземајќи го дневниот промет и напуштајќи го местото на настанот. Се преземаат мерки за пронаоѓање на сторителот.
Околу 22:45 часот исто така синоќа во Скопје на бул. „Кочо Рацин“, во Тобако „Корнер“, непознато лице со закана со нож извршило разбојништво над вработената, одземајќи го дневниот промет, по што се дало во бегство. Полицијата презема мерки за пронаоѓање на сторителот.