Денес околу 15 часот се случи тешка кражба во златара „Прима Голд” во Охридската чаршија. Неколку лица влегле и побарале да разгледаат златен и сребрен накит по што со дел од накитот, избегале.
Полицијата веднаш започна интензивна потрага по разбојниците, а неофицијално се дознава дека нејзините припадници им влегле во трага на сторителите на ова тешко кривично дело.
На почетокот од годинава беше ограбена златарата „Голд“, исто така, во Охридската чаршија, од каде што биле изнесени златни предмети во вредност од околу 100 илјади евра.