Во Полициската станица-Ресен вчера е пријавено дека меѓу 22 часот на 31 јануари и 8 часот на 1 февруари е извршена тешка кражба во спортската обложувалница „Евро гол“ на ул. „Мите Богоевски“ во Ресен.
Одземен е сеф во кој имало 119.357 денари. Сторителот со употреба на сила го отворил и влегол низ прозорецот од тоалетот и од помошната просторија го одзел сефот и заминал.
Увид на местото извршила полициска екипа и во тек се мерки за пронаоѓање на сторителот.