Непознати сторитиле ограбија уште една православна црква во Гостиварско. Овој пат на мета била црквата „Свети Ѓорѓија“ во селото Здуње. Пленот на крадците и се состоел од пари, доброволни прилози од верниците.
Од СВР Тетово, информираат, провалниците во црквата влегле наверојатно ноќта помеѓу 14-15 февруари, откако го скршиле катанецот влезната врата. За разлика од серијата кражби во кои беа украдени и икони, овој пат одземени се околу 2.500 денари кои верниците ги оставале на иконите како и два пакети масло и шише вино.
Од полицијата соопштуваат дека е извршен увид и се преземаат активности за пронаоѓање на сторителите. Последна во серијата ограбувања беше црквата “Св. Архангел Михаил” во селото Вруток. Таму, за десетина дена, крадци во два наврати провалуваа и и освен прилозите од верниците, украдоа и три икони.