Непознати сторители провалиле во црквата Св. Атанасиј во селото Железна Река, Гостиварско и украле пари и предмети чија вредност се проценува на околу дванаесет илјади денари, информираат од СВР Тетово.
Според портпаролот, провалата ја пријавил С.А. (46) жител на ова село. По извршениот увид било утврдено дека во црквата со насилно отварање на влезната врата е влезено во периодот од 19 до 23-ти овој месец. Провалниците заминале со плен од 2.000 денари, шест бакарни котли, еден крст, послужавник и шест шишиња зејтин.
По неодамнешната кражба во црква во селото Балиндол, од каде беа украдени пари, ова втор случај во Гостиварско. Претходно беа регистрирани кражби во цркви регионот на Горна Река, општина Маврово-Ростуше од каде покрај пари и предмети, беа украдени неколку десетици икони.