Во Скопје на бул.„Никола Карев“, синоќа околу 18 часот од страна на неколку непознати лица извршено е разбојништво над М.Х.(51) од Скопје сопственик на златара, при што му одзеле ташна во која имало околу 500 грама злато.
Имено, сторителите го пресретнале оштетениот физички го нападнале удирајќи го со тупаници во пределот на главата и телото, му ја одзеле ташната и со возило се одалечиле од местото на настанот.
МВР денеска соопшти дека се преземаат мерки за пронаоѓање на сторителите.