Официјално: Кафеаните од утре ќе работат до 21 часот

Од:

Владата на Република Северна Македонија на 40-тата седница, по препорака на Комисијата за заразни болести, донесе измени на одлуката за работното време на рестораните и другите угостителски објекти согласно која од 21-ви јануари се укинува одлуката за ограничување на работното време на рестораните и другите угостителски објекти за работа до 18:00 часот.

Согласно овие измени, рестораните и угостителските објекти од 21-ви јануари ќе работат до 21:00 часот, по што ќе бидат затворени за посетители сите угостителски објекти и ресторани, како и угостителските објекти или делови за исхрана во угостителските објекти за сместување во хотелите, мотелите, хостелите, пансионите и други објект за сместување, како и објектите со угостителска дејност на бензинските станици.

Исклучок од оваа одлука се угостителските објекти на Меѓународниот Аеродром Скопје и Аеродромот „Св. Апостол Павле“ во Охрид, како и рестораните или деловите за исхрана во угостителските објекти за сместување во хотелите, мотелите, хостелите, пансионите и други објекти за сместување за лицата сместени во овие објекти.

Угостителските објекти кои вршат подготовка и продажба на храна можат да остваруваат продажба на алтернативен начин со онлајн или телефонски нарачки и да вршат достава или да овозможат самостојно подигнување на нарачката надвор од угостителскиот објект преку штанд или пулт со почитување на основните мерки за дезинфекција, носење маски и одржување дистанца, велат од Владата.

Би можело да ве интересира

Заев побара пратениците да гласаат за доверба на Владата

Кристијан Ландов

Влада: Најновиот извештај на Фридом Хаус констатира напредок со позитивни оценки за реформите

Ана Ололовска

Усвоена новата Концепција за основното образование, од Владата велат дека е во најдобар интерес на децата

Жарко Настоски

Текстот на законот со кој дел од Шар Планина ќе се прогласи за национален парк помина на владина седница

Жарко Настоски

Владата сега има и усвоен план за борба против корупцијата

Жарко Настоски

Нова финта за изигрување на мерките: Плаќаат ноќевање за да можат и по 21 часот да останат во хотелските ресторани

Маја Илиевска-Пачемска