Судењето против 47 годишниот Исмаили Минир од струшкото село Шум кој на 23 јануари во Струга годинава го запали македонското државно е одложено во струшкиот основен суд и е презакажано за седми јуни.
Одлагањето е донесено на барање на Исмаили. Тој за медиумите по палењето на знамето изјави дека тоа го направил во знак на револт против навредливите и антиалбански пораки на стадионите и спортските сали во Македонија, особено навредилвите пораки упатени кон Албанците за време на Европската ракометно првенство во Србија.
Од полицијата тогаш изјавија дека веднаш откако пристигнал пред зградата на општина Струга тој го извадил знамето кое го носел со себе и го запалил и избегал.
За брзо време од настанот Исмаили беше пронајден од страна на полициски службеници и беше приведен во полициската станица во Струга на информатовен разговор. Настанот беше пријавен од граѓани на Струга кои биле очевидци на палењето на знамето.
Мики Трајковски
Одложено судењето за палењето на македонското знаме