Одбраната на Камчев бара меѓународен мониторинг: Испрати писмо до Советот на Европа

Од:

Одбраната на бизнисменот Јордан Камчев испрати отворено писмо до 47-те министри за надворешни работи на Совет на Европа. Адвокатот Тони Менкикоски вели дека писмото е испратено поради тоа што Македонија е под мониторинг на Комитетот на Министри при Советот на Европа во делот кој се однесува на примената на мерката притвор и треба да постапува согласно со Акцискиот план. Одбраната на Камчев бара и меѓународен мониторинг за случајот.

„Круцијалниот доказ со кој Судот располага и врз основ на кој Јордан Камчев е противзаконски лишен од слобода и му е повторно продолжена мерката притвор е целосно незаконит доказ, односно, не смее да биде доказ во кривична постапка. Дополнително и покрај сите инсистирања од страна на одбраната Судот одбива тој доказ да го обелодени, достави и презентира на одбраната.Имено, Информација (заведена под СД бр. 02-545/1 од 14 ти Март 2021 година) на АНБ врз која се заснова решението на Судот за лишување од слобода, не само што не е доставена до одбраната и Судот одбива да го стори тоа, Информацијата на АНБ е спротивна на член членот 43 од Законот за Агенцијата за национална безбедност и согласно на овој член, не може да се употреби како доказ во кривична постапка, но може да се користи за иницирање и насочување на кривична постапка, вели Менконоски.

Додава дека е недозволиво вршење на јавни напади и притисоци врз одбраната на Јордан Камчев, преку соопштенија и изјави што претставува директно мешање и дискредитација како на целокупниот предмет, така и директно на Камчев и на неговата одбрана.

„Поради молкот на македонските институции во овој случај, до кои повторно апелираме да започнат да постапуваат согласно својот професионален интегритет, одбраната наЈордан Камчев бара меѓународен мониторинг на случајот односно, овој случај да биде дел од процесот на мониторинг на Комитетот на министри на Советот на Европа.

Меѓународен мониторинг се бара и поради директно кршење на Уставно загарантираните права и гаранции на Јордан Камчев на „слобода и безбедност”, „правото на ефикасна и делотворна одбрана ” и на неговото право на „правично судење пред непристрасен трибунал”, како и дека бил субјект на нечовечко и понижувачко дејствување од страна на институциите на Македонскиот систем кои му ја имаат ограничено неговата слобода, вели адвокатот.

Би можело да ве интересира

Камчев одбил прегледи на Кардологија, сакал да оди во приватна клиника

Кристијан Ландов

Камчев останува во притвор, судот ја одби понудената гаранција

Катерина Павлова-Николовска

(ВИДЕО) Адвокатот на Камчев: Се сомневаме на пристрасност од застапникот на обвинението

А1он

Андов демантира дека Камчев се лекува со сол и газирана вода во затворот во Шутка, немал висок притисок

Камчев тврди дека здравствената состојба му е „исклучително алармантна“, не сака на Кардиологија

Жарко Настоски

Директорот на затворот во Шутка: Докторите не укажаа на нарушено здравје кај Камчев, ниту дадоа дополнителна терапија

Кристијан Ландов