Одборот за традиционалната прослава на Бадник во Скопје денеска ќе ги претстави годинашните кум и здравичар.
Оттаму велат дека се е подготвено за претстојните бадникови свечености.
Традиционално на 28 декември, последната недела од месецот, од падините на Водно ќе бидат набрани бадниковите гранчиња кои ќе се делат на 6 јануари, на Бадник, на платото пред Соборниот храм „Свети Климент Охридски“.
Кумот заедно со преодниот ќуп на 6 јануари со пајтон ќе замине од Соборниот храм откако ќе прими благослов од поглаварот на Македонската Православна Црква г.г. Стефан.