Претставници од Полициската станица Гостивар и Македонскиот полициски синдикат го посетија спомен-обележјето на влезот во гостиварската населба Циглана, посветено на двајцата трагично загинати полициски резервисти Александар Николиќ и Даиљ Јанковски и положија букети цвеќе.
На пригодниот комеморативен собир, со минута молчење тие им оддадоа почит и се поклонија на двајцата поранешни колеги, чиј живот згасна пред 13 години.
Букети цвеќе за Александар и Даиљ беа положени и на нивните вечни почивалишта на градските гробишта. Погибијата на двајцата резервисти, се уште до крај не е расветелна и не е познато, кој и зошто пукаше во нив додека беа на полициски пункт во населбата Циглана со што беа прерано ги прекинати животите на двајцата, а еден резервист во таа ноќ беше ранет.