Верниците во кумановско денеска масовно го одбележуваат верзскиот празник Богојавление. Во сите цркви во кумановско се оддржа богојавленска литургија, каде верниците се помолија за здравје, пресекоа колач и си зедоа осветена вода.
Во базенот на ФЗЦ свештенството од црквата Св.Мина организираше фрлање на светиот крст. Оваа година, крстот го фати 21 годишниот кумановец Миодраг Јовановски.
– Втор пат скокам по крстот, посакувам да ми донесе здравје, среќа, а наскоро очекувам принова во семејството, вели Јовановски, вработен како пекар во приватна кумановска пекара.
Денешниот празник се нарекува уште и Водици, заради големиот водосвет, што го извршува Црквата на овој ден.