Министерството за труд и социјална политика, Црвениот крст на Град Скопје и Меѓуопштинскиот центар за социјални работи на Град Скопје денеска ќе го одбележат 1 јуни – Денот на згрижувачките семејства.
На настанот, што по тој повод ќе се одржи пред Спомен-куќата на Мајка Тереза, ќе бидат организирани креативни работилници, а ќе настапат и децата од „Супер ѕвезда“ и пејачи од македонската естрада.
На одбележувањето ќе присуствува и заменик-министерот за труд и социјална политика Ибрахим Ибрахими.