Денеска, градоначалникот на Општина Штип, Благој Бочварски, присуствуваше на пригодното одбележување на денот на смртта на Генерал Михајло Апостолски.
Одбележувањето на овој ден беше организирано од страна на Сојузот на борците од Народноослободителната и Антифашистичка војна на Македонија 1941-1945 и граѓаните продолжувачи на боречките традиции за општините Штип и Карбинци со седиште во Штип.
На одбележувањето на овој ден во Алејата на народните херои во центарот на градот присуствуваа и претставници на Совет на Општина Штип, претставници од АРМ, претставници од Универзитет „Гоце Делчев“ Штип, граѓани и почитувачи на ликот и делото на Генерал Михајло Апостолски.
