Одбележување на 22 Април – Денот на планетата Земја

Од:

Со повеќе активности денеска во главниот град ќе биде одбележан 22 Април – Денот на планетата Земја. Тема на годинашното меѓународно одбележување на Денот на планетата Земја е „Заштитете ги нашите видови“ (Protect Our Species) и има за цел да едуцира и да ја подигне свеста за брзото намалување на популацијата на растенија и диви животни предизвикано од човечки активности.

Во организација на Град Скопје во Зоолошката градина предвидени се повеќе настани, а во одбележувањето ќе се вклучи и Министерството за животна средина и просторно планирање.

Во 10:15 часот денеска во едукативниот центар на Зоолошката градина ќе се одржи краток еко-час на тема „Вредноста на дивите видови“ со претставници од Министерството.

Предвидено е и хортикултурно уредување на катче од Зоолошката градина со садење садници од страна на ученици од СУГС Гимназија „Орце Николов“ и штитеници од Центарот за лица со интелектуална попреченост „Порака“. Поодржувачи се ЈП „Паркови и зеленило“- Флораком, Зоолошката градина од Скопје и организацијата „Cities for Forests“, која на глобално ниво делува на подигање на свеста за значењето на шумите.

Во организација на Градската библиотека „Браќа Миладиновци “ на пладне ќе се реализира проектот „Хортикултурна библиотека“ во соработка со учениците од ДСУ „Георги Димитров“- Скопје, отсек хортикултура и учениците од второ одделение од ОУ „Коле Неделковски“ – Скопје.

Целта на овој проект е децата уште од најрана возраст да ја развијат свеста за зачувување на зеленилото, екологијата и за сите нејзини придобивки за здрава животна средина. Задно со поголемите ученици од гимназијата ќе засадат различни видови на цвеќиња и ќе научат како се одгледуваат. Учениците подоцна со посета на библиотеката ќе можат да дојдат и да ги гледаат нивните цвеќиња и да видат како напредуваат.

Би можело да ве интересира

ЕСА: Астероид в сабота ќе помине покрај Земјата

Ана Ололовска

За борба против загревањето на Земјата потребни се 1.000 долари годишно по жител

Ана Ололовска

НАСА: На Гренланд има доволно мраз за да го зголеми нивото на морињата за 7,5 метри

Ана Ололовска

Глобалното затоплување закана за потопување на крајбрежјата ширум светот

Ана Ололовска

Амазонска прашума исчезнува со огромна брзина

Ана Ололовска

Изумирањето на ајкулите е сигнал за уништување на Средоземното Море

Ана Ололовска