Општинската организација на Црвен Крст Крива Паланка со низа активности ја одбележа Неделата на грижа за стари лица која се одбележува од 21 до 27 ноември.
– Извршено е мерење на шеќер во крв и мерење на крвен притисок на педесет стари лица од општината од страна на нашите волонтери-медицински лица. Мерењето на овие два параметра е овозможено од ЕВН-Македонија, а пред пензионерките од градот беше презентирано и промотивното видео изработено од Црвен крст на Македонија со поддршка на Австриски Црвен крст. Видеото е посветено на неделата на стари лица кое ја пренесува јасната порака на годинашното мото – „Сите сме нивни деца“, информира Дарко Пешовски, секретар на ОО Црвен Крст, Крива Паланка.
Организирана е и работилница за клубот на пензионерки кој функционира во кривопаланечката организација на Црвен ксрт – „Достоинствен живот“.
– На оваа работилница беа презентирани правата на старите лица, од наследно право, здравствено, социјално право и други. Истовремено, 28 членки на клубот беа активно вклучени во општинската манифестација „Кривопаланечка еко-храна“ за која беа ангажирани во подготовка и презентација на традиционални специјалитети од овој крај, додаде Пешовски.