На пригоден начин и со положување на свежо цвеќе , Карпош се сеќава на формирањето на Првиот партизански одред во Скопје.
Денеска, им се одаде почит и признание на младите граѓани, кои за прв пат пред 73 години без страв го формирале Првиот партизански одред со желба да се борат против фашистичкиот окупатор.
Почитта ја оддадоа претставници од Главниот одбор на СБМ, делегација на општина Карпош и пензионерското здружение „Панде Пиперков“.
Големото чествување со свечен говор го отвори Јордан Арсовски, потпретседател на Главниот одбор на СБМ, кој евоцираше сеќавања за борбените денови и деновите околу формирањето на Скопскиот партизански одред .