Територијалната противпожарна единица во Дебар денеска го одбележа 20 Мај – Денот на пожарникарството во Македонија.
Вработените во противпожарната единица ги претставија пред граѓаните опремата и дел од активностите што ги применуваат при нивните интервенции.
Командирот на единицата Џетан Муфтаровски информираше дека единицата е професионално подготвена за интервенции и оти во текот на минатата година реализирала повеќе проекти за зајакнување на кадровскиот потенцијал.
Додаде дека материјалната поддршка што единицата ја добива од општина Дебар е на потребното ниво, но оти останува нерешен проблемот со средствата што единицата треба да ги добива од руралните општини Маврово-Ростуше и Центар Жупа.
Во првите четири месеци од годинава противпожарната единица интервенирала во 30 случаи што е многу помалку во однос на минатата година.